Sotra-boksaren var den første EM-meisteren frå Norge på 20 år. No seier han nei til å forsvara tittelen.

– Eg har ein større plan, seier Tim-Robin Lihaug.

STORE FORVENTNINGAR: Tim-Robin Lihaug er trygg på at folk vil forstå valet hans om å gi frå seg europameistertittelen etter kvart. – Det vil gå opp for folk når dei ser kva min neste kamp vert, seier Lihaug.  Foto: Marita Aarekol

Det er godt over tre månader sidan Tim-Robin Lihaug kunne strekka hendene i været og jubla hemningslaust over å ha vorte europameister i proffboksing.